Dreher - дефинитивно најдоброто италијанско пиво за на плажа. Многу освежително, умерено газирано, доволно интензивен вкус го прават пивово прв избор кога станува збор за секојдневно пивце за уживање. Вистински конкурент за оваа намена би рекол дека е пивото Nastro Azzurro.

Birra Moretti La Rossa - when in Italy, комбинација од пиво и пица е веројатно честа појава. Ова италијанско пиво е едно од подобрите пива кои ретко може да се најдат по рестораните. Доста специфичен благ вкус, има 7.2% алкохол.

Castello Birra Bionda (Premium Lager) - италијански премиум лагер спакуван во симпатична лименка. Ова е многу бејзик пивце, од оние што треба да ги имаш во секое време во фрижидер, добро изладено, одлично гаси жед. Супер избор за секојдневно пивце.

Peroni Rossa Gran Riserva - не сум голем фан на Peroni пивата, но сум фан на ова интересно шише. 

Zwettler Achat Honigbier - австриско темно медено пиво со 8% алкохол. Колку само привлечно звучи. Сипано во чаша, може да се забележи убава црвенкаста, но далеку од темна боја. Веднаш се насетува јак вообичаен мирис на пиво, би рекол дека пената која се направи при точењето, не ме импресионираше многу. Вкусот е толку интензивен, што според мене, малку е и претеран, нарушена е питкоста, што од друга страна го прави ова пиво одлично за конзумирање во некоја посебна пригода.

Asahi The Extra - класичното Асахи не ми остави некој особен впечаток, но оваа верзија, екстра, е значително многу подобра. Одликува со убава боја, дефиниран вкус и 6.5% алкохол што го прави овој стронг лагер најдоброто јапонско пиво кое сум го пиел до сега.

Greene King Abbot Ale - со секој нареден пробан англиски ејл се повеќе го засакувам овој теп на пиво. Невообичаена боја и вкус за наши простори, убаво изладено, ејлот е доста освежителен.

Le Chouffe Soleil - Belgian Sunshine Ale - Како што кажува насловот, се работи за сезонско пиво. Исто толку добро како стандардното но со повеќе горчина која допринесува за дополнителни цветни вкусови. Алк 6% [Гостински пост на @popmisa]

Duvel - уште еден белгиски стронг ејл. Важи за еден од подобрите, што не е далеку од вистината. Исто така е достапен во скопските маркети, вреди да се плати за да се ужива ова добро пиво. 

Chimay Bleue (Blue) - белгиски трапист, еден од најраспространетите, штом стигнал и во маркетите во Скопје. Синиот Шимеј е сторнг ејл (9% алкохол), и слободно може да се каже дека е најдобриот од овој тип. Мора да ја посетам пиварата некој ден, обожавам трапист пива.

Efes Pilsen Unfiltered - турско нефилтрирано пиво од Efes. Скопска пивара треба да научи од нив дека нефилтрирано пиво се флашира и е достапно во текот на целата година. Мене ми се допаѓаат нефилтрираните пива, пред се заради погоркиот вкус, а и на изглед заради матната боја.